سريت بالدنيا وذقت المر في بطن المتاع
والعمر مهما طال يتليه المصير المنحسم
والعين لا منها بكت؟ يدُل رد الأنطباع
عن افتقاد الحلم والدنيا قياسات ورسم
ما والله أذكر عشت بالدنيا تشرد وأنصياع
لكن شفت ان النصيب اللي يجينا منقسم
وإلا أنت ياللي في كلامك باين(ن) روح الوداع
اسمع ولا لك بالطويله دون حلفان وقسم
جيت وخذيتك يوم جيت الحب عزم واندفاع
وجيتك على رد التفاعل روح اشجان ونسم
وسويت ما يجدر به الخافق برأي الاقتناع
وخصصت لك في موطن العشاق عنوان وأسـم
وشيدت لك مالا يشيد شي عال الارتفاع
وأخترت لك بأجزل قصيدي من سماينها دسم