[دامي الحرف]

بعد
تحية الأسلام

وبلا مُقَدِمات
أقدم
لكُم
هذه المُصافحه الجديده <<< تروها ارتجاليه بحزتها

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الظلم .. يا اهل العرف جاير و جـلاد = والليل نكبه .. للعيون السهيره
والضيق ماله .. يا أهل العـرف ميعـاد = اليـا لفـا .. يعمـي معـاه البصيـره
يا لايمي .. دج الوطا وانت مهداد = وأجعل لنا .. في دولـة العـرف ديـره
جيت انشدك .. كيف الخوي سم الأضـداد = يسطي على ربعه .. ويخـذل عشيـره
وكيف استدارت .. عنده حروب واعناد= واستاقهم .. سـوق الغنـم والبعيـره
واقفى .. ومـدا .. والغرابيـل تستـاد =وارخص مواقفهم .. وهـاز السميـره
وقام يتمخطر .. بين فهدٍ و عواد = ويتمتم اشعاره .. بشوف الظفيره
لاشك ماهو .. ضايق الصدر نشاد = على الذي .. قفا وخالف ضميره
ولاشك ربعه .. هجنهـم تملـي الـواد =عيال عبس .. أهل الوجيـه السفيـره
من لابةٍ .. عاشت على سلم الأجواد = { مهامـزه } .. سقـم القلـوب الحقيـره
جيت انشدك .. والقلب طانخ وقصـاد ={والهرج .. يغني صامله عـن كثيـره}
عل المرد .. يبـري عطيبـات الأكبـاد= ونحـوف .. زلات الرفيـق الخطيـره[/poem]


دمتم
بحفظه ورعايته

الموضوع الأصلي: الضيق ماله يا أهل العـرف ميعـاد ... اليـا لفـا يعمـي معـاه البصيـره | | الكاتب: دامي الحرف | | المصدر: شبكة بني عبس