نجمة الصبح لك هـذا الخطـاب
اخرجي من ورا الغيم اخرجـي
واعديني على متـن السحـاب
واصدقيني وانا فالوعـد اجـي
لجل افصّّل لـك القمـرا ثيـاب
والثريـا سـريـر وهـودجـي
واشتريلك مـن الجـوزا كتـاب
فيـه سـر الغـرام ومنهجـي
مازجة دمـي بلـون الخضـاب
كيـف هـذا بهـذا يمزجـي
خبريني عن اسبـاب الغيـاب؟
قبـل روحـي لربـي تعرجـي
لهفتي وايقـت روس الهضـاب
والولـه فالخفـوق يلجلـجـي
في ضلوعي هجير وشمس{آب}
والعطـش فالعـروق يعجعجـي
في صحاري هواك اتبع سـراب
بين يمكن وليت أرجـو رجـي
لين راسي من الاهـوال شـاب
وصار ليلي كما الصبح ابلجـي
تعب حرفـي وتعبـن الركـاب
وهبّت الريح واطفت مسرجـي
واقتنعت!! الهوى قطعت عذاب!!
وصرت احاول وادوّر مخرجـي
توبة أسريـك ياليـل وضبـاب
وتوبة أمشيـك دربٍ أعوجـي
كان حظي عمى يومه شبـاب!!
وصار هالحين اصـمّ وأعرجـي
دوك قلبي مـن الصكـات ذاب
يالحبيـب الخصيـم الدعوجـي
نجمة الصبح لك هـذا الجـواب
اخرجي من ورا الغيم اخرجي !!