الحزن مركب الم في وسـط غبـات الضيـاع
قاده الحرمان واعلن للشقـى قلـب وضلـوع
ونطفى شمع الامانـي يـوم فليـت الشـراع
رحلتن منها غدى قلبي علـى الفرقـا جـزوع
واصعب الحظات نظـرات المـوادع للـوداع
لبتدا صمت الشفايف وانهمـر سيـل الدمـوع
آه يا هي جمرتن طاحت علـى قلبـي ومـاع
وانكس بيرق حياتي فـي محطـات الطلـوع
ماتت احلامي وطاح النجم من عقـب ارتفـاع
واظلم بعيني سكون السبت يوم ابكـى الربـوع
باح صوتي والصدى ما عاد يطيق الاستمـاع
والصخور السود تشكي من صدى صوتن يروع
تدري انك تملك احساسي الـى حـد النخـاع
وتدري انك نور قلبي والضيا شمس وسطـوع
عيني وقلبي على فرقـاك دايـم فـي صـراع
عيني تقول انتهينا وقلبـي فـي حبـك قنـوع
صاحبي والصبـر مليتـه ولابـي مستطـاع
الرجا يوم العواطف تحتـري منـك الرجـوع
والحزن يطغى على سر السعـادة لـو يبـاع
مذهب العشاق لو يشبع مـن الحلـم ويجـوع