ياللي حرمت القلب مبطي مـن الصـوت
لاتـحـرمــه هـالـحـيــن رد الـرســالــه
¤¥
ايـام عـمـري مـعـك لحـظـات وتـفـوت
وش تنتظـر لاضـاع عـمـري بـدالـه
¤¥
يعني عشان اسمك على القلب منحوت
مـاعـاد تسـئـل لـيـه وش هالـنـذالـه ؟
¤¥
ان كان قصدك شوفتـي وسـط تابـوت
خلـنـا عـلـى ماقـيـل كـلــن بـفـالـه !!!
¤¥
اليـا طـرى طـاريـك حسـيـت بالـمـوت
اليا متى هالحال ماهي بحالـه .؟؟؟
¤¥
من غبت وصارت غيبتـك شـي مثبـوت
الـنـاس تنـشـد لـيـه ثـامــر لـحـالـه .؟
¤¥
زعـلان حـدي منـك ضـايـق ومغـمـوت
وكل مـن سئلنـي عنـك ضقـت بسؤالـه
¤¥
عـز الله انــي مـعـك مـانـي بمبـخـوت
امشـي يميـن الــدرب تمـشـي شمـالـه
¤¥
عـزآآآه يالدنيـا عقـب بحـت الـصـوت
صـار الرجـى مـنـك تــرد الرسـالـه !!!!
النت والجوال
تعال اباخذك عصر ٍ قريب احـس مـن عصـري
يضايقني العصر هذا وانا مانـي وسيـع البـال
w
انـا وشلـون احبـك والحـزام الناسـف بخصـري
بحبـك فـي زمـن كانـت فعولـه تثبـت الاقــوال
w
رسايل عشق ينقلها الحمـام الزاجـل المصـري
رسايـل مادخلـت فـي عالـم الانتـر ولا الجـوال
w
وقصر فاخر على ضفة نهر احلا قصر قصـري
وحدايـق لـي علـى مـد النظـر متسـوره بجبـال
w
هنا .. لو تجتمع دنياي ماتقـدر علـى حصـري
لأني معك والدنيا اضحكة لي والزمن مـا مـال
w
انـا شاعـرك واتفاخـر بحبـك وافـرح بنصـري
ولكن اسمع لشاعرك بأخر بيت لك وش قال :
w
حبيبي لا تصدقنـي وتشـري الزاجـل المصـري
ترى امزح معك خلينا على الجوال راس المال
البلوتوث
ياصاحبـي لجلـك شريـت البلوتـوث
عشان اصير انسـان مثلـك معاصـر
كنت احسب انه لخدمة الناس مبعوث
اثـره خـراب بيـوت شـر ٍ مقـاصـر
ياجعل ماهو لجيـل الاسـلام مـاروث
اكبـر خطـر للجـيـل هــذا يحـاصـر
شـي ٍ يخلـي راكـد العـقـل ملـهـوث
واللـي يناصـر صاحـبـه ماينـاصـر
آفه تحرث بقاع ماهو بمحروث
تشوف فيهـا رقـص هـز الخواصـر
يفرحبها جاهـل مـن الجهـل محثـوث
ويلقابـهـا كـمـل المهابـيـل قـاصــر
والحين يوم ان الحدث صار محدوث
يـارب ثبتنـي مـن عـصـار عـاصـر
وياصاحبي مابيـك ولابـا البلوتـوث
ولابا اصيـر انسـان مثلـك معاصـر