قمت انادي يا صغيرة .. بس ما لصوتي حياة..!
يمكن إني لا زرعته ما تهيّا تقطفه
قالت الا قد سمعته بس لي منّك رجاة!
لا تناديني صغيرة.. زان زولي قم شفه!
قلت لا يهمّك كبيرة .. قالت اعذرني يبات
صغر سنّي فوق متنك دون خوف ٍ يرجفه
قلت هو قمّة عنادك اعتلت له نايفات؟!
جاوبت(ماااني عنيده) .. واطربتني فلسفه!
ذاب صوت ٍ للطفوله.. ماطلع حدّ اللهاة
من ذهوله في وصوفه.. من شقاها تخلفه
يا طفوله عانك الله من دلع ملح البنات
وياطفوله اسأليني عن شقاها واوصفه!!