14-03-2010, 06:50 AM
|
|
اللي وجوده من دواعي سروري
يا شيخ ماهي قصة غياب وحضور
بعض القصايد ماتوصّف شعوري
أرض الغلا يا صاحبي ظنك تبور ؟!
وان كان تبي الشور بعطيك شوري
لا ماتبور وجيّتك تمطر شعور ..!
وشلون لامن صرت مرسى بحوري
لا ماتبور وكل ما ابعد عن النور
أحس بآنه في حضورك حضوري
لا ماتبور وكل ما اشعر بي كسور
تلد ّ صوبي والتهي عن كسوري ..!
ويا طير حزني لا توقّف على السور
ما كنّ بصدور البشر غير سوري ..!!
يا طير في صدري مية غصن وطيور
ماستكثرن يا للأسف يوم جوري
يا طير قود السرب مليت هالجور
واكسر قفص صدري وحوّم طيوري
وشف لك فضا ارحب وانا بغرس سرور
كل ما اشوف اللي يهمه ظهوري
الصاحب الهمال والباهي النور
اللي تنامى بالغلا في جذوري
الوافي اللي لاحضر مابه قصور
اللي وجوده من دواعي سروري
من كفّه اللي لاعطت تعطي بحور
للطيب للفزعات لاعمق شعوري
حتى القصيد يفز ويفيض ويثور
ويحاول انه فيه يرضي غروري
ويعود مايوفيه وآقول .. معذور
والقى الليالي سود واقول دوري
ماهمني ضيق الزمن عدة شهور
لا صرت اعد ان بحضوره /
حضوري..!!
ماراق اللي من قصيدددددددددددددددددددددددددددددددددددددددددددد
|