10-03-2010, 12:51 AM
|
|
ياطويـق ماعـاد اشوفـك فـي عيونـي طـويـق
ما كان لليـاس صـوب اعـزوم نفسـي طريـق
لاشك بعـض الامـور اتضيـق منهـا الصـدور
ويضيـق صـدري لامنـي شـفـت مــالا يلـيـق
بسمـك وبسمـي وبسـم الطيـب واقـول جــور
وابـيـع هـمـي لـصـدر" شــال مـــالا يـطـيـق
مــن جــور حــظ" تــولاه الشـقـاء والـدبــور
صـابـر ولــو لــي مــن الآمـــال ماللـغـريـق
كـان افزعـت لـي يدينـي دون حلـق الشعـور
آمـنـت بالـوقـت واثـــر الـوقــت مالهـرفـيـق
الوقـت لــو لــه رفـيـق" ماارخـصـه للقـبـور
ليـه ومتـى خـاب ظنـي فيـك يااغلـى صديـق
وليـه أفخـم اقصـور وقتـي مغتشيـه القصـور
ياطويـق ماعـاد اشوفـك فـي عيونـي طـويـق
من يـوم شمـس المواقـف اشرقـت دون نـور
باسعى العمر فـي مناكـب مملكـة كـل ضيـق
مهما قوى الشيب ذلـت شعـب عمـر الزهـور
وباشوف اراضـي خيالـي واسعـه لـو تضيـق
وآقــف لخـاطـر ثـمـار الـبـال وقـفـة جـــذور
وابيـع غالـي زفـيـر ادنــاي لاقـصـى شهـيـق
واكتـب بصمتـي (هـي الدنيـا متـاع الغـرور)
واحـفـظ لـزلـة لـســان الـلـيـل ســـر عـمـيـق
في جوف صبح" سقا الصحراء هماج البحور
بانـسـى وباسـجـن جـفـا واقــع زمان"عـتـيـق
فـي الخاطـر اللـي يسـلـي غربـتـه بالكـسـور
والا انـت مـاعـاد لاعــذارك مــلاذ وطـريـق
ولا لهيبـة مكـانـك بـعـد مــا أخطـيـت شــور
ماراق للي من قصيد
|