السلام عليكم
انقل لكم ايها الاخوه العزاء
قصيده لشاعر..// عايد بن خلف الرشيدي
خارج عن القانون في حب سيـدي=قاطع طريق ومرهب أمه ونشـال
مخي محجر مثل مـخ الصعيـدي=في صاحبي ماطيع به هرج عـذال
يسوى بعيني كـل مـال الوليـدي=ويسوى مونيكا وبنت عجرم وبسكال
الصاحب اللي شوفته يـوم عيـدي=لاوالله ... إلا شوفة هـلال شـوال
المترف.. المملوح.. ملهم قصيـدي=اللي فداه الروح ..والحال.. والمال
**كن البني لجله خلقنا عبيـدي=**(تحفه) على قولة سعد مالها امثـال
يعصف بقلبي عصف ريح بجريدي=شرقيةٍ مع صوتها بـرق وظـلال
يبعثـر ايامـي ويرجـع يعيـدي=يلمنـي لـم البـرد بيـد الاطفـال
دلوع في طبعه وهرجـه نشيـدي=طاوؤس في مشيه ولاهـو بيختـال
واليا تبسم قلت .. هل من مزيـدي=غير الشفاه الجمر صفـة كرستـال
تصدقوا !! لاجـات يـده بأيـدي=يصيبني شيءٍ مايوصـف ولايقـال
تعرّق يديني .. وأحـس بوريـدي=شيءٍ كأنه مشي نملٍ علـى جـال
والله لو ماني شجاع و..(رشيـدي)=ليصيبني من صاحبي هـم وهبـال