هينه يالجروح الموجعات الثقال=باكر ضمادها كسر القلوب المغله
كل هجر ٍيطول ابلحقه بالوصال=وكل دمع ٍ يذل النفس عيب اهله
عزتى دونها تاقف قروم العيال=والله انى لعز النفس والعز بالله
لو يشح الغلا منك فراقك زلال=حى فرقاك دام ان المواصل مذله
ولو يجور الزمن ماقلت يابن الحلال=ولاسألته من احسانه وانا الجود كله
ولو يجينى من الغالى كثير الخمال=شمت عن زلته ماجيت زله بزله
وش يضر السماء لاعانقته الجبال=وش يضر الضماء لاصادق الوسم عله
ايه نتعب لكرمان اللحا والرجال=ونشرى الطيب بالغالى وحنا هل له
ماحد واصل ٍبالطيب حد الكمال=لكن العز بقلوب الرجاجيل مله