[صـدى الـحـرمـان]

صبـ/ـاح الخيـر

.

ابيات اعجبتني املـه ان تنال
ع اعجابكم .!

.




[POEM="font="Monotype Koufi,4,darkred,normal,normal" bkcolor="transparent" bkimage="./images/backgrounds/19.gif" border="double,4,darkred" type=2 line=0 align=center use=ex num="0,black""]

يسري بنا الليل لا نادت مواجعنا=ويفرح بنا الهم لا ماتت امانينا
أغراب والحزن فالغربة يجمعنا=اجساد نمشي وتتبعنا خطاوينا
كان الامل في ظلام الياس يزرعنا=لين الليالي تجي بالياس تجنينا
كنا نعلم جروح الوقت توجعنا=والحزن كنا نناديه وينادينا
نكتب: طريق الموادع ما يرجعنا=نقرا: طريق الموادع ما يودينا
نبعد عن الهم نلقى الهم يتبعنا=من وين ما نبعد نلاقي همنا فينا
كنا وهالحين (كنا) وش بتنفعنا=نادى الرحيل وسرق دربه خطاوينا
رحنا ورى الحب لين الحب ضيعنا=مدري نسينا الزمن ولا تناسينا
الين عشنا بلا صورة ولا معنى=ارواح تشبه لنا ظلمة ليالينا
على كثر ما حلمنا ما توقعنا=ينسى الزمن كيف كنا يوم حبينا
واليوم ما عاد باقي شي يجمعنا=إلا الوجع والضياع وحزن ماضينا
شكرا لإحساسنا اللي كان يخدعنا=شكرا لوقتـ(ن) خذانا قبل يعطينا
شكرا لعمر(ن) تركنا قبل يسمعنا=شكرا لأيامنا اللي جت توصينا
شكرا لأحلامنا اللي وقفت معنا=شكرا لأحزاننا شكرا لأغانينا
بكت لنا الارض يومنا توادعنا =لأن الارض احضنتنا يوم حبينا[/POEM]

.

صـدى الحـرمان

الموضوع الأصلي: (. بكـًٍُت لنا الارضِْ يومنٌٍُا توادعنـًٍَِْْا .) | | الكاتب: صـدى الـحـرمـان | | المصدر: شبكة بني عبس