بداية اشكر الاخ محلل تاريخي على طرح الموضوع هذا الذي يهم فخذ العجارمه الذي انتمي له وانتمائي الكبير لقبيلتي قبيلة الرشايده الغنيه عن التعريف
اولا : توجد بعض الاخطاء بالموضوع الذي ذكره الاخ العضو الرشيدي وهذا الخطاء يتكرر كثير وانا والله ياخوان تعبت من كثر ما اتابع هالخطاء ولكن اتفاجئ ان يكون هذا الخطاء بموقع قبيلتي !!!!! هذه من الكبائر والعجائب لان الخطاء لو كان بموقع اخر غير موقع قبيلتي يمكن يمر ولكن اذا دخل شخص من غير ابناء قبيلتي ووجد هذا الكلام بالتأكيد راح يعتمده لانه اخذ التوثيق من اهل الدار ,,, عموما انا ما ابي اطول عليكم بالملاحظه التي بقولها
الموضوع يخص الشاعر مرشد البذال رحمه الله وما ذكر انه ورث الشعر من جده شاعر الكويت الكبير مرشد البذالي واللي اشوف هالكلام بكثير من المواقع الشعريه
ياجماعه ياربعي يالحمتي ياعزوتي هذا شاعركم وحسبت والدكم وانتم اقرب الناس له واللي يجهل سيرة مرشد يسأل شايبه او اخوه الكبير قبل لا يطرح موضوع
نسب مرشد هو:
مرشد بن سعد بن صالح بن نصار بن بذال بن مطيول الرشيدي من فخذ العجارمه ولا يوجد لمرشد جد اسمه مرشد البذالي او شاعر الشاعر مرشد ولا يوجد مرشد ثاني فارجو تعديل مشاركت الاخ الرشيدي للتوثيق
ثانيا :ذكرتو عن المراشيد وعن من دخل البحر من المرشاد كلامكم على العين والراس وجميل وكل ما ذكر صحيح لمعرفتي بعائلة المرشاد وصلة قرابتي بهم خوالي ونعم فيهم ونعم بالجميع ولكن من دخل البحر مع الخال جويدان المرشاد هو مرزوق بن سعود المرشاد والاخ الذي كتب الموضوع عكس الاسم نقدر نقول خطاء مطبعي ولكن التوثيق يتطلب ادق التفاصيل .... والاخ العضو سعد المرشاد شلون عدت عليك ما شفتها ياخالي
بالنهايه اشكر الكل والقائمين والباحثين ودمتم
محبكم/عبدالله صالح مرشد البذال