[قسورة الغاب]

اقتباس من مشاركة السبع الضاري اسمعو وش قال السبع الضاري الصاحب اللي فك بيبان الصداقه ولوثاق=سلّم زمام القافله للي ماسر القافله ابعد مااخذ بالقافله مسراح خلفات النياق=وارسل على سبع الخلا جعل الذيابه تاكله يعلن نهاية رحلته ما ضاق من ضيق الخناق=وانا اعتبر مثل العذر هذا تغلي شاكله هالحين عوّد ياخوي الذيب وادخل بالسباق=وان جاك راجع لو يجاملني ماني بمجامله مادام يبغى افراقنا حنا مايبكينا الفراق=يا ما فقدنا بالحياه من الرجال الواصله نصبر على ما صابنا لو صبرنا مر المذاق=ونفج ضيق اصدورنا لانوا الحياه الحافله لو سلك املنا من مشاكلنا غدا سمل ٍ دقاق=ونفوسنا سئمت شتات امورنا اللي حاصله نبني رجانا في علو الهمه اللي ما تطاق=ونشق جدر اليأس لين اللي نوينا ناصله ماارخت هممنا العاديات الضابحات من النفاق=واليا خسرنا الماضيه نكسب رهان القابله مع تحيات سبع الخلا الضاري

اقتباس من مشاركة بندر بن صبح ماشاء الله عليك ياسبع الخلا وهاذي مجارات ابن صبح البسيطه: لابد من بعد التجمع ياسبع لحظة شقاق=كل العرب لوتجتمع اعلم تراها راحله صحيح صاحبنا رحل لكن ماشال الرواق=ليته فعل مثل العميد افضل تجي مماثله راع الذلول اللي نهار السبق في يوم المساق=تسبق جميع الهجن الاولى ماتجي متعادله عله يعود لايسيبنا نصادم خاق باق=اللي تشو الصقر تحسب فيه ورك وشاكله وان كان ضايق كل واحد خاطره بالحيل ضاق=تال الزمن وزعاتنا مع بعضنا متثاقله الصبر طيب لايصيب القوم ماصاب العراق=عان الكعابر بعد صدام اصبحت متواكله وكل الامل في بكره اللي نوره الاول زراق=ان كان مازانت صبح يمكن تزين القايله

الله الله

صح اللسانك يابندر

اقتباس من مشاركة وضاح اليمن اسمع من ابو يمن ذا المجاراه البسيطه قال اليماني بعد من مضغ النبات الزين راق= ينحت بيوته من صخر ماهي بيوتن سافله القافله تمشي مع الصحراء موثقت الحلاق= لو مرها سبع الخلا ماهي بشوفه جافله وحنا نعرف البلبله واللي تبا كشف الرواق= وناسن تلمس للخطا ماتت ماحشت نافله يابا الخلا رح للعميل اللي لسلم الناس باق= راع القرار اللي تفاجتبه قلوبن غافله انكان قلبك من مراحه ياوسيع العرف ضاق= خلك معه حنا اليا رحتم نسوق الراحله انتم اليا ضيق علاكم كلكم رحتم طقاق= الاسم واحد كل مايعرف معرف ضافله مار الخلا وحنا نسوق القوم دايم مانساق = زيدي ولاصل من سلايل عبس ماحدن جاهله انزل من اجبال العلم خلقك مع السهل الرقاق= واما رفيقك حذف كشفه من كشوف الحافله هفو عساها هفت اللي مابقا لجسمه عتاق=هفت مقيط اللي مماته من غدربه كافله هههههههه

الله الله

صح اللسانك يابوو يمن ههههههههه

اقتباس من مشاركة المعزب اسمع معزب الضيفان ياسبع الخليان ههههههه علي ياسبع الخلا الخالي ملازيم الطلاق=ان الهموم اللي تهم السبع معنى مسامله يلفحبها حر السموم اللي تقل صفقة الطراق=على العيون اللي تخدرها الصدور العاقله من شأن عين المزنه اللي كل ماطرها حقاق=لو ان معها غزيلين مداعبه ومغازله يالصاحب اللي كل ماضاقت عليه الارض واق=دمعة عيونه هامله لكن هواه الهامله ويجر صوته لو يجي فيها تصدع ونشقاق=عنده الحون مواصله ماعاد فيها فاصله يركض على مفصل ذراع الكتف مع عرقوب ساق=لو الامور معقده فيها رموز معادله وانا اعتبرها ضيقتاً بالسبع صدام العراق=لو ان حاله من صواديف الليالي ناحله

الله الله عليك يالمعزب

صح الله اللسانك


وهذي المجاراتي البسيطه واسمحوولي عن القصوور

يامن حملت محمد المبعوث من فوق البراق = لطفك وعفوك والحياه وماعليها ساهله
لاحت مراسيم الغرام اليائسه بعد الطلاق = ام الكباير ودها في قدر ما تستاهله
عليك ياحال الشقا يامعانق الفرقا عناق = واطراف قبلك من صواديف القدر متواكله
مدري بلاك امن الضما والا بلاك الاشتياق = بس الوكاد ان القراده والشقا متداخله
ناديت للمقفي وللمقبل عصيت الانسياق = الا ليا وردت علي عد الروا زوامله
ارحب تراحيب المطر لامن سرا ليلك وراق = والذ من در البكر لو هي دقيقه عاجله
نواجدن تبدي ولا ندري وش الي بالصفاق = الي جعل سلك الحرير امن والوفا ينحاكله
تهاوت شطوون الحقيقه من كثر قل الوفاق = والطي والدراج وغرووب السقا تحتاجله
يابا الخلا وش يظمن الطيحه علي الدرب الزلاق = اليا انتخابك واحدن ماتنومن محابله هههه
وان وجه المقبل مع المقفي وزاد الاحتراق = مالك جدا غير الصبر يالذيب وش وداك له