صاحبي مايضحك بالجرح غير اعذاره
وانت جرحك لامموتني ولامحيني
ومايبكي القبر الالامشوا زواره
لامسحت غبار اخر حفنه بكفيني
ودام ودك تدفن اللي بينا باسراره
ادفنه والا انا كيف ادفنه بيديني
يوم انا بانيه من ساسه الين جداره
وكل ذره ملح في تركيبته تعنيني
لك علي اشغل السي دي في السياره
وابكي ابكي لين اصب القلب من جفنيني
ولك علي انسىى علوم الوصل بالقطاره
ولك علي اكسر خواطر كل ربعي فيني
ولك علي اطرذكر الخير فيك طراره
ولك علي ارضيك لو رضاك مايرضيني
صاحبي واللي يحط الطعم بالسناره
احسن انه لويصرح فيه عينك عيني
ماني مجاوب على نظراتك المحتاره
خلها وتضيع مابين المرايه وبيني
خلها تشغل حلوق العالم الثرثاره
والا انا ماهيب تسمني ولاتغنيني
رح فمان الله وجه ابيض وطيب بشاره
لاتراعيني بعينك لين ماتخفيني
واعرف انك لوتلف الارض حاره حاره
وين ماتلقى ملامح طيب بتلاقيني
واعرف انك لو تضيق بدنيه دواره
ماتشوف الاويدينك وسط يديني