27-02-2010, 07:01 AM
|
|
اطلع تفرج شوف اصل العلاقات
في داخلي جمره ولوعه وحسرات
وفي قلبك العاثر عواقب خطيره
ياملهمي ماعاد للحب سكرات
ولاعاد في بحرك مراكب ضريره
سهلت لك جرحي طويت المسافات
وسببت في نفسك جروحن كثيره
ياعل ترضى بالعنا والمحاتات
وياعل ارضى بالغرام وهجيره
لاتقول جرحك عاش لليوم مامات
انا الضرير اللي يخاوي سريره
انا اللذي ضميت ليل المعانات
وقلبي على ماصار يندم ضميره
حزن ووهم احلام اتعاب لوعات
تنير دربي ودرب هجرك تنيره
كني مثل راوي يقول الحكايات
وفي اخر القصه نهايه مثيره
فياما صدفنا ناس بالحيل آفات
وياما صدفنا وجيه فعلن حقيره
وياما سمعنا بالموده اشاعات
وياما استفدنا من امورن كبيره
وياما قرينا بالمحبه روايات
وياما وياما شي كنا نديره
بس ما ارتكبنا في غرامك حمقات
بالعكس كنا نعشقك بالسريره
يعني تنادي الامس وتزيد طعنات
وترجع تدور وصل دربي وتسيره
ماني برد الصاع لاهل العبايات
اكبر ترى افكار عقلك صغيره
عجزت افهم ماجرى وزدت بسكات
وسكرت بابك جعل ربي يجيره
اغليت حبك رغم ضعف العبارات
وكنت الغني بالوصل وكنتي الفقيره
كل العقد تنفك بحلول وآيات
لكن ماضي الأمس زود سعيره
كم قلت لك انسى ترى الامس شتّات
كم قلت لك ماضيك لاتستشيره
اتعبتني بتعيش وسط المتاهات
يعني العتب مافيه بالكون غيره ..؟
اطلع تفرج شوف اصل العلاقات
هذا غلط .. مسموح لانه عشيره
ربي اللذي يغفر على العبد زلات
وانت الوحيد اللي تعاند بحيره
ادري تحب وادري الشوق لحظات
يعمي بصرك ودوم ترجي مصيره
وادري تموت احيان لاجات ساعات
حبك بديره وانت عنه بديره
ارجع لربك وانفعل بالمناجات
وصل وتهجد بالغلى واستخيره
بتعرف كبر كونك كبر هالمجرات
اعشق غرامك واحتلم في عبيره
وبتشوف ذيك الدار وذيك المحلات
قبل الخطى في حبنا نستعيره
علي الألمعي
|