[عبدالعزيزالعويمري]

اقتباس من مشاركة فواز الدواي ياهاجسي خلك معي يوم غنيت = هب الهوى واطرب خفوقي نسيمه قادع من المعنى وتوي تقهويت = فنجال يصلح للبيوت العظيمه ياما نظمت البيت بيتن ورى بيت = لكن ترى هذه قصيده حكيمه ياما وياما فعل ماضي وياليت = انك تخلي كل حاجه قديمه واذا تبي تسمع لياما وحنيت = بسمعك ياما وتشرا بقيمه ياما لكبيرات المصايب تصديت = اوقف لها في صبر ويا عزيمه وياما من حقوقي تنازلت واعطيت = ارحم واحب اهل القلوب الرحيمه وياما من اصناف الرياجيل خاويت = شفت الغبي ويالذكي والصتيمه وياما لبعيدات المماشي تعنيت = في عج ولا ماطر الجو ديمه وياما مع المسكين صحت وتعزويت = افزع ولا احب القدر والظليمه وياما عن صغار السوالف تعليت = ارفع مقامي فوق عرش الحشيمه وياما مع الطيب ضحكت وتسليت = وهروجنا من بيننا مستقيمه وياما خذيت امن السوالف وخليت = ماتعب سموعي بسمع النميمه وياما على الطولات قلت وتحديت = والحمد لله ماهزمتني هزيمه وياما مرضت ايام عقبن تشافيت = الله يشافيني بصحه سليمه وياما ببعض الناس قلت و تهقويت = وخانتني ضنوني بناسن حميمه وياما كتمت السر ماكني اوحيت = اكتم وسري حافظه بالكتيمه وياما على روس المشاريف عديت = ضايق واحاسيس الصدر مستهيمه وياما غديت بليل عقب استدليت = عقل البشر مخلوق غير البهيمه وياما من خيار المزاين حبيت = حبن على وضح النقا فيه شيمه وياما بذود العود للخد شديت = متحيزمن واصيح بشداد ريمه وياما ركبت الخيل وارخيت وارخيت = لعنانها والذيل محلا لميمه وياما مع كبار الصقاقير هديت = حرن مخاليبه تسوي جريمه وياما خذيت امن البنادق ورميت = صيدن من العيشه احرمه حريمه وياما ذبحت من الذبايح وعشيت = عكف الشوراب والوجيه الكريمه وياما ببرد الليل للنار شبيت = ودفيت ربعي في ليالن صريمه وياما تحملت الحروره وعانيت = اصبر واعشق اهل الصدور الحليمه وياما عطشت وعقب للريق بليت = ماي القدير اللي تحدر بغيمه وياما على اسم الرشيدي تحاميت = حامي وراسي فيه نارن جحيمه وياما لخوي الدرب بالهرج داريت = ادرى خويي واسعده ما أضيمه على دروب العز عشت وتربيت = ونفسي من دروس التجارب فهيمه يامرددن ياما على ويش سويت = سبحان من يحي العظام الرميمه ؟

صح لسااانك والله

قصيده قمة الروعه والابدااااع

فيها الكثير من المعاني والعبر

وياما وياما ابدعت في قصائدك كل الابداااااع ;)

صح لسااانك وبيض الله وجهك

تقبل مروري المتواضع