للرسايل يالغلا فـي نفـس شاعـر
مثل فعل السحر.. مدري وش يجيني
اتشتـت بيـن حلـوات المشاعـر
ونغمـة الجـوال منـك تحتوينـي
لوتشوفيني وانا اتحـرى وصابـر
كـان مايحتـاج عنـك تسئلينـي
اتظاهـر بالثقـل واصبـر واكابـر
وتستثار الحـرب مابينـي وبينـي
واخطف الجوال وارسل لك عبايـر
بس ماهي دمع.. ابيـات وحنينـي
تصدقين؟؟ انه يجيني الشعر طايـر
كل بيت يقول.. تكفـى ابـد فينـي
نعنبو بليسك انا مـن قبـل خابـر
اني اثقل شخص بس الحين وينـي
كل طيف يمر.. اكتب طيـف عابـر
الا طيفك.... ارفضت تكتب يدينـي