23-02-2010, 03:15 AM
|
|
اهداء خاص خاص
فصل أول على مسرح .. بطولة بنت مغروره
حقيقه ما هي مغروره و لكن سالفة جِلّاس
بدايتها ثقه عميا .. لحكيٍ كان منظوره
عن اوصافٍ خياليه .. جميله تحبس الانفاس
حياةٍ في حلاوتها تبيها .. كل غندوره
زواج و بيت يجمعها .. معَ زوجٍ يفيض احساس
على شرطٍ يحق إلها .. تشوف الزوج لو صوره
و لكن حقها ضايع معَ سلم العرب و الناس
ترى عيبٍ تشوفينه و انتِ منه محظوره
كلامٍ قيل بالماضي .. و لا له بالعقل نبراس
اذا خير البشر قاله .. و خير الأمر في شوره
اذا كانك تبي تخطب لك الشوفه على مقياس
بعدها صارت الصدمه .. لأن النفس مجبوره
تعيف الغصب و الغاصب مثل سجنٍ بلا حراس
حكم شرع الجهل فيها .. و كلٍ عارفٍ دوره
ابوها .. و الزمن .. ايضاً .. سقاها سم وسط الكاس
و ضاع الخيط و المخيط و ضاعت نفس مكسوره
و زفوها إلى المذبح .. تجر الهم و الهوجاس
هديتها ألم يعصر .. خفوقٍ طق من زوره
تبي حبه يداعبها و لكن نفسها .. تحتاس
تبي تقرب و يبعدها .. شديد الموج فـ بحوره
تبي تعرف نهايتها .. اذا يمكن يصير إجناس
تخيل كل ما فيها صرخ .. يا ناس مقهوره
تجامل في مشاعرها و ذابحها شديد الياس
و هي مرّه و ذاقتها بعدها راح دستوره
نعم .. راح و ترك أنثى خذت عهدٍ قوي الباس
خذت عهدٍ إذا جاها .. نصيبٍ شرطها (إ)حضوره
على السنه تبي شوفه و بالسنه ترى لا باس
بـ آخر فصل بالقصه .. مشاعر كنّها الثوره
نهايتها بدايتها و بنتٍ تشبه الألماس
ماراق اللي من قصيد
|