هذه القصيدة للشاعرة عابرة سببيل رحمها الله هي من القصائد التي يقف عندها القلب فهي من أجمل القصائد التي تحكي عن حب وإخلاص الزوجه وحنان اللأم رحم الله عابرة سبيل وأسكنها فسيح جناته
(((وصية عابرة سبيل)))
ترى الذبايح وأهلها ما تسليني = أنا أدري إن المرض لا يمكن علاجه
أدري تبي راحتي لا يا بعد عيني = حرام ما قصرت يديك في حاجة
اخذ وصاتي وأمانة لا تبكيني =لو كان لك خاطر ما ودي ازعاجه
أبيك في يديك تشهدني وتسقيني =أمانتك لا يجي جسمي بثلاجه
لف الكفن في يديك وضف رجليني = ما غيرك أحدٍ كشف حسناه واحراجه
أبيك بالخير تذكرني وتطريني =يجيرني خالقي من نار وهاجه
سامح على اللي جرى ما بينك وبيني=أيام نمشي عدل وايام منعاجه
همي عيالي وأنا اللي فيني كافيني =علمهم الدين تفسيره ومنهاجه
تقبلوا تحيتي
أخوكم
مرضي الداموك