أهديكم قصيدة الشاعرالكييرعيد معيض القلادي الرشيدي
أتمنى أن تعجبكم وتحوز على رضاكم
يادحيم قم خايل لنا المزن يادحيم = يابو علي عطني علوم الخيالي
صوت الرعد نكد منامي وانا نيم = عدو عينك حالته مثل حالي
كملي وانا ماشفت شمس ولا غيم = والله وحده يعلم اللي جرالي
وانت تعرف يادحيم من دون تعليم = ان به ديارآ شوفها شف بالي
دارآ لنافيها حدود اومراســـــيم = ماهي رخيصه من قديمآ وتالي
تقسمن عنها الشعيبين تقسيم = ويحدها واد الرمه من شمالي
اما ديرنا ياوسيع المعاليم = اعطيك موجز ياكريم السبالي
نشمل من الشعبه وشرقآ لياديم = ونجنب من النقره وها ك الجبالي
وغربآ ليا خيبر علي الملازيم = من مسئل عناعنه مانسالي
هذي مداهل وضحنا والمجاهيم = حامينها لمعبسات الشمالي
ربع آعلى در المنايا مفاطيم = عيو عليها ورخصو كل غالي
ربعآ تلقب ماضي الوقت يادحيم = بمنزحة نشر الحريب الموالي
عساه يسقيها منا اللي سرا ديم = ياخذ ثلاث ايام على التوالي
صوته ليامنه سرى له ترانيم = كنه يقول اقبلت يهملا لي
ويسق المحل اللي يلقب ابتعظيم = اللي قضينابه ليال طوالي
اناومن سلملي المر تسليم = لرضاي ياطى التهلكه ما يبالي
بعده يحطم مهجة القلب تحطيم = تقل قزازآ صافقله بجالي
عليه مني عد ماخط تقويم = سلام احلى من القراح الزلالي
واقبل تحيات الضماير بتسليم = ياطيب الخوه كريم السبالي