لاتفكرني مثل ماكنت فاكر
شخص له نية ورى عشرين نية
والله اني كثر ماعانيت صابر
ماسك سلوم العصور الاولية
ماتزعزعني مفاهيم ومظاهر
لاحق ايام الجهل في الجاهلية
كم مظاهر لابسة لبس المخابر
وكم قلوب ن ميته بارواح حية
لو جرحني كل ماقلته أكابر
ابتسم لو كان فكرة مبدئية
ليه مستعجل على كسر الخواطر
يمكن اللي صار غلطة مطبعية
وكان مات الحب في قلب ٍ معاصر
درس فايت نفعته مستقبلية
وزبدة الموضوع عاشر من تعاشر
لوعة الايام حاجة منطقية