تعال شاركني همومي واشارك
تعال نقسم فرحها والكأبة
همي متعبني وهمك متعبك
وانته وانا ويا الظروف نتشابه
لاتحتفظ بالهم وحدك يتعبك
ترى الهموم ثقال واحنا غلابه
تعال فضفضلي همومك وانا اوعدك
لموت انا والسر محد ن درابه
عطني همومك كلها اشيلها عنك
تراي انا والهم صرنا قرابه
وكان الليالي كدرت جو صاحبك
هون عليه بوقفتك في مصابه
لا تنتظر من صاحب الجرح يطلبك
انته تحرى وانشده ويش صابه
بهمي تساعدني وفهمك بساعدك
وكل ن يساعد صاحبه في عذابه
والصاحب اللي ف العنا ما يساندك
خله يولي قلعته وش تبا به
همي متعبني وهمك متعبك
وانته وانا ويا الظروف نتشابه
تعال شاركني همومي واشارك
تعال نقسم فرحها والكأبة