[قسورة الغاب]

اقتباس من مشاركة ناصر خنيفر اطلعت باليوم التالي على ماكتبه اخونا كاتب هذا الرجل الذي نكن له كل محبه وتقدير ولكن اخطا خطا فادح بتشكيل الحزب الثلاثي وهوعنده خبر بان ليس هناك احزاب معترف فيها عداء حزب العمده وحزب النصر المندثر ومن هذا المنطلق نقول شيلو قشكم احسن لكم قبل نعمل التحاد بيننا وبين حزب النصر ضدكم وتصير العواقب وخيمه علاكم ههههههههه كفو لغاكم ماش ابه حزب وحزاب = من غير حزبي والنصر لاتقولون حزبين واللي غيرهم حزب كذاب = احسن لكم قبل المعارك تشدون قدام نشعل نارها براس مرقاب = واليا ولعت صعبن لناره تطفون بالمزدوج واللي يشلن الاعصاب = قنابلن من فعلها ماتعيشون ههههههههههه اليا اتحد حزبي ومن كان طلاب = حزب النصر قدامكم وش تسوون حزبين والقاده من اطوال الاشناب = الحرب خاضوها قبل لاتكونون مار الحذر مادام بالوقت مجناب = لاتدخلون الحرب وانتم مامن لون جهال ماتحسب الما يحصل حساب = هم يحسبون الحرب ببسي وصمون ىهههههههه

اقتباس من مشاركة كــــاتــــب الله يستر حتى القصيدة تشعثرة على ماقال الشاعر مساعد هههههههه يالي تحسبنّا وقفنا ورا الباب = وتقول روحو ياعرب لاتطقون الناس من قبل امس واردتن اسراب = حنا كسرنا الباب وانتم تشوفون وكلن علي طوفت جحا دق منساب = واحضر دليل انه حضر ليلة الكون بيت (.....) الي تقاطعه الاشناب = يوم الحروب ارجالها مايهابون حنا مقابيس الوغا ياخو غلاب = منا صناديد الجزيره يفرون وان كان عندك شكتن مالها اسباب = نبي نداوي شكتك وانت ماتهون هههه اجمع ثلاث احزاب ورجال واركاب = وصوت علي القاضي وناد ابن لعبون ولا توفرون من القنابل والعاب = شين علي ماقيل لي به تهوشون وعيبن علينا كان عارضك ماشاب = والا تروق وتعترف وانت مامون حنا هل الابعاد واسباعة الغاب = يالي تمر الظلع والظلع مسكون

الله الله

صح اللسانك مليووووون ولا يكفوووووون

وبيض الله وجهك يابووعزوووز

اسمع العلم الي يجمد
علي الشارب
يالعمده


اجمع ثلاث احزاب ورجال واركاب = وصوت علي القاضي وناد ابن لعبون
ولا توفرون من القنابل والعاب = شين علي ماقيل لي به تهوشون
وعيبن علينا كان عارضك ماشاب = والا تروق وتعترف وانت مامون
حنا هل الابعاد واسباعة الغاب = يالي تمر الظلع والظلع مسكون


ان طعت شووري تعترف يالعمده

وش تبي بالداب وشجرته هههههه