من وين أببدىقبل ماأقول والابألوم= هزل المعاني وأشره غيبة جزالها
لاوالله الابجيب اللي تطول وتزوم = عن ناقصة قدر قايلها ومن قالها
والا تجيك السمان اللي شحمهايعوم= شواربٍ طلق ووجيهٍ تساوالها
مثل البويضاءلابن براك عيت تشوم= الا لطرياه لا صوت ونادالها
وأرجح بكفة مزايينٍ وهيبة وسوم = تزهابهاالبل لا وسمت وتزهالها
يابارحه ليلها صدره وسيع الحلوم= يلعب مع اللي لعب لاميل عقالها
ورقيت ادور على الجزله بعالي الرجوم= وعينتها في مرابعها ومدهالها
وبديت من ثانيه حتى قضى نصف يوم= ولقيت من فكرتي الغراء مايحلالها
وخطيت من فوق صدر اليل بعض الرسوم= مترجمه بس ماعينت حلالها
لين انجبت من بنات الفكر صفين توم = متشابهه بالوصوف وصفها شالها
وغنيت طربه وغنيت أنفعال وهموم = ولسان حال المقرد عيد موالها
لين الجدي رقص النجمات وأغرى الغيوم = وخص الثريا وسحبها بسلسالها
وأن وردن العلوم وصدرن العلوم = في ذاكره تنكتب وبعين تقرالها
حشمت خطوةقدم رجلي وقلت محشوم=قدري عن الناقصه ماهوب يمنالها
حدالريا شركٍ اصغريارياجيل يوم =اطيبكم اللي يحفظ الطيب لاجيالها
ودالرجايارجاجيلٍ تحفظ السلوم =ماضاعت سلومها من طيب عيالها
ومن طب سوق الرجال يبيع والا يسوم= انبعت بيع رخمه وانسمت شف خالها
و من كان حلقه وسيع وشكته بالهدوم =بأبره يخيط الفتوق اللي كشف حالها
ماهي تخص بخصوص ولاتعم بعموم=كلن يقف وقفته ويبرهن أفعالها
تقصر يدينن تبى تغلب وحنا خصوم = وتبصر عيونه ويبطي النوم ماجالها
صح لسانك ياسعد ولا هنت على الرائعه
لله درك ياشيخ تقبل مروري واسمحلي على تنسيق القصيده