اخوانى الاعزاء انقل لكم هذه القصيده للشاعر المرحوم/ منصور بن دبيان البريقعي الرشيدي رحمه الله وهى موجه للشاعر الكبير/ فوزان بن مربح والقصيده تعبر عن نفسها
المن وقتك سكر بوجهك الباب = ودنياك دارت مابقى غير تطحنك
ومصيبتك كبرت وكبوك الاصحاب =انص الرجال الى يشيلونها عنك
انص الرجال اللى يفكون الاكراب = اللى على ميلات وقتك تعاونك
اللى لهم نخوه ومقدار وحساب = ورجالهم بنوب مايعتذر منك
اليانصيته بالطلب عنك ماغاب = يقووم في لازمك لو مايتمحنك
له ماقفن لا كلشت عكف الاشناب = يجلى عنك همك ويطفي غبانك
ميراث عودن لطويلات كساب = ليا نصيته شام لك مايتهاونك
له شيمتن له عند القرابه والاجناب= وله جاه عن لوذات بقعا يزبنك
عودا شمخ بالعاليه وهوماشاب = مواقفه لو انت منصاب يشفنك
يووم اللقا والثار في شلف وحراب= يروى عطش حدب النمش ماتعونك
يارد على حياض المنايا ولايهاب = لعيون من تنقش على كفها الرنك
عقيد قومن تلبس الموت جلباب = قومن فعايلهم اليا اليووم يوحنك
ذوى حمد فكاكت جموع الاسراب = عونك اليامن الليالي توطنك
لا كشرت سود الليالي بالانياب= وحطن عليك حمولهن الين ظامنك
ترى بو حامد نخوته تبر الاعطاب = وتشفى الجروح اللى من الوقت حسنك
له نخوتن مايشيلها بعض الاقراب = وعيبن نقدمها المن لايثمنك
اقولها قدام حضار وغياب = بابيات شعرن من منامك يصحنك
فوزان لاجاء يووم طال وطلاب = مواقفه ياجاهلن فيه يوونك
لامن صدقان الرخا صاروو احزاب =فووزان عونك في ليالن تحدنك
ومن يمدح اهل الطيب بالمدح ماخاب =والمدح من بعض العرب مايسمنك
والمدح مايرفع رديين الانساب =والسب لو نكثر منه مايطمنك
هذا وانا قلبي من الوقت منصاب = ياريف من جالك من الوقت زابنك
وقتى ياابن مربح شذبنى بمشذاب= عسى شواذيب الدهر مايمرنك
على بعقا سكرت كل الابواب = حدني اللى جعلهن مايحدنك
وظاقت علي فجوجها ل الاصواب = وهذي علومىكلها كان يخفنك
وعندك خبر بالناس صادق وكذاب= ويمشى معك بالدرب من لايوزنك
اقراء الجواب وجعلك تنال الاعجاب= وانا ترى اعجابي بيوتى لاوصلنك
.................................................. ....................................
وسلامتكم وارجو ان تنال الاعجاب واستحسان الجميع
وان تدعوووا لشاعرنا بالرحمه والمغفره
متمنيا لكم دوووام الصحه والعافيه