سلامتك والله يحفظك ويبقيك=ويقبل دعاتك في صلاتك وصومك
ياجعلني ماذوق حزنك ولا ابكيك=يافرحة سنيني عسى الله يدومك
ليت التعب فيني حبيبي ولافيك=وياليت يومي ينتهي قبل يومك
ودي اضم ايديك واقبل ايديك=وافرش لك ذراعي مخده لنومك
وإن قمت من نومك وعيني تراعيك=سولف عن احلامك وعطني علومك
استأذنك لحظه دقايق بخليك= با أروح ابشر عالمي بقدومك
في غيبتك احلم اشوفك واحاكيك=سمتني الدنيا بعدك محرومك
ياما تخيلتك بدربي واناديك=واقول وشفيها تردت عزومك
لك وقت متغير على قلب مغليك=ماكنه الى شال عنك همومك
ابيع من عمري على الناس واشريك=لو باعتك دنياك ما ارخصت سومك
ماهو على شانك على شان ماضيك= مهما تسوي اعذرك ما الومك
هذا خيالي كا ما مر طاريك = والا الحقيقه عايش ارجي غيومك
اضحك على نفسي اذا قلت مابيك =انت القمر والناس هذي نجومك
حببتني في كل حاجة حواليك=مانيب من قومك واحامي لقومك
ما قول غير الله يحفظك ويبقيك=وياجعل يومي ينتهي قبل يومك
مخرج اخير
كل ليله اشكر ربي انه اعطاني=اغلا ثلاثة : انت وامي وابويه
الشاعر ثامر شبيب