من أشعاره في الغزو
عرف المرحوم عبدالله المسيلم بوطنيته وقد كان من الشعراء الذين خلدت لهم قصائد في حب الوطن.
ومن أبرز قصائده رحمه الله ما كتب في العاشر من اكتوبر من عام 1990حول الغزو العراقي للكويت حيث كان أبناؤه صالح وطلال في الكويت فيما ابنه سالم كان أسيرا في العراق.
وفيما يلي ما قاله آنذاك
يالله يا عالم تفاسير الاحــــــــــلام=يالواحد المعبود يا موفي الديـــــن
بالواحد الفرد الصمد رب الاسلام=يا مبدل عسر الليالي بحرفيـــــــن
يارب ما يخفاك بالسو صــــــــدام=عسى تعجلبه من السوء ضعفين
يوم الخميس الناس سجد وصيام=حرمت محرم ما اجترمها في الشين
الجار ياصدام ما هو يهـــــــــــــــدام=بالجار وصى سيد الخلق جبريــــــن
خليت ربع المنطقة رمل وايتــــــــام=وشوهت بالاخلاق بالعرف والديــن
مالك فخر جيتك والناس نيــــــــــام=في يوم عطلة والعساكر مجازين
لو قلت لنا قدام الاحداث بايام=انذرتنا قدام غزوك بيومين
حتى تشوف الفعل من روى الاقسام=لو انكم واحد وحنا قليلين
بقدرت القادر كثرتك تنضام=ويصفيلك من الخمسين بالعشرة اثنين
تضحك لك ايام وتفهق لك ايام=وتصرفلك الاجور عند الموازين
بينا وبينك رب مهو بظلام=وأن أشتهى أسرع في ارماشة العين
اليوم ياصدام اردح بالاقدام=وباكر يشوف الموت حينن بعد حين
بيتك يلغم في حديثان الالغام=وتموت يافرعون موت الفراعين
ما تذكر اللي جاك عام بعد عام=نسيت ياجحاد هدر الملايين
نسيت يا صدام حربك للعجام=يوم أنت تخلي الفاو عند البساتين
في ردتك للفاو من جالك احزام=ومن قربك للفاو ما بين قوسين
إلا الصباح اللي لهم فضل واكرام=أهل السخا والشعب والمستحقين
وأميرنا جابر مقامه ليا قام=عز الصديق وسقم عين المعادين
نقدم لك الحسنا وتدخل لنا السام=وفي واحد وستين الى عام تسعين
الطيب بالمقرن لقيناه قدام=بالجود والماجود والعسر واللين
اهل الوفا والمجد بالفعل حكام=آل السعود اللي على الطيب ظارين
اما انت يا صدام تحكم بالاعدام=تأخذ عناوين وتبعد عناوين
أنشد هل التاريخ عن طقه ادهام=ادهام بن دواس اخوك بالدين
من ثبت العزة وفي حكمها قام=الا الله ثم سعود سم الشياطين
وفهد ابو فيصل على السو خدام=خادم حرمين تلقب شريفين
انذرك يا صدام من لدغت الهام=يتلفك سم الهام ما بين نابين
كثر التوتر حط بالقلب صمام=ما ينفعك لو صار عندك طبيبين
تراك لونك بغرفة من الجام=يجيك من لفحات بقعة جريين
كانك بحزب البعث حنا بالاسلام=وكانك عصيت الحق حنا مطيعين
العم لله عالم كل الاعلام=علمه وحلمه فوق كل الميادين
وصلاة دبي عد ما صام صيام=على النبي الهاشمي والنبيين