تذكره قلبن شفوق .. قلب ٍ من أشواقه يطيـر
قلبن على غيره جفا وعن حب غيـره مايريـد
تذكره بأجمل شعور .. تذكـره يومـه صغيـر
يوم الورود اتحنّ له .. ويومه على شوفي يريد
تذكره شمسن من بهاه . .لاشافته راحت تسير
تغرب وهي في وقتها نورن على العالـم يزيـد
تذكره نجمات المسا لاقـام يضحـك هالغريـر
احسها تسأل تقول من غيرهـم نعشـق نريـد
تذكره عينن لالمحـت شلالـه الحلـو الغزيـر
قامت تسولف عن غلاه كنّه جديدً فـي جديـد
يذكره شارع بيتنا .. وشلـون لاقفّـا يسيـر
وكيف الزوايا تنّصحه .. لاتتركه (حبن عنيـد)
وتذكره حبات المطر .. تنزل على خده حريـر
تحسب خدوده وردة ٍمن عطرها تجـذب أكيـد
هذا انا مـن غيبتـه أذكـرك ياحلمـن كبيـر
يرتاح في قربك خفوق عن حب غيرك مايريـد