بالحشا مفطور
***************
فهد بن عبدالعزيز الرميان
ألا يا الله باسمك نستعيذ من العنا والجور
ضعيفٍ يلتجي بك حدّته دنياه من تالي
.
دعيتك والرجا بك يا إلاهي جابر المكسور
تريْحَنْ من عذابٍ سمّ حالي من غثا بالي
.
إليا جا الليل يلعب بي هجوسي لين فجّ النّور
أكايد عبرتي ودموع عيني تهمل اهمالي
.
رماني وقتي الغابر عثر بي حظّي المثبور
ألا يا ونتي ونة يتيمٍ ما له الوالي
.
يقولون الهوا جرحٍ على قلب الفتى مسمور
وانا اللي جارحٍ قلبي ومتعبني هوى الغالي
.
هوى له منزلٍ فوق الثريا بالحشا مفطور
هوى اللّي من هواه أشكي ولا احدٍ لدّ في حالي
.
عذابي حب عذراً مستهيم بحبها ماسور
عليها ضايعٍ ما بين حسادي وعذّالي
.
صخرت القاف لاجله خاضعٍ له طايعٍ مجبور
وخلتني طريحٍ ما تبي حالي ولا فالي
.
هنوفٍ كمّله رب الملا فيها الحلا منثور
لك الله عقبها ما نيب لا ناسي ولا سالي
.
الا يا لابس الثوب الخضر ما ترحم المخطور
على بالي خيالك دايمٍ باقفاي واقبالي
.
عليل الود لا حي ولا تحت الثرى مقبور
حداني ما حداني والهوى همّ وغربالي
.
ألا يا الله باسمك نستعيذ من العنا والجور
ضعيفٍ يلتجي بك حدته دنياه من تالي
.