[الشاعر المجهول]

راكب اللي غلقت غمارتة صندوقة=وصار كله سقف من صدامه لصدامه
مايعرف وصوفه الا من يعرف يسوقة=بري حالي وان صفق سبابته بابهامه
ماكنا مثل الذهب للي يسوق فروقة=لانقطع قلب البخيل وجنبه ماسامه
كيف احليه الذهب والخنجر المفتوقة=شوف عيني يوم يفرق رفرفه عن جامه
كن وجهه وجه داب تلق شدوقة=صمم لصاحب سمو وصاحب الفخامه
مركب اللي مع رفع قدره رفيعا ذوقة=مركبه من وارد الجفال عام بعامه
لاشتغل كن الثبيتي بادعا طاروقة=ولاعرض من مر من صوبه حذف سلامه
لامشى ماوحيت رعده لو تشوف بروقة=وان وقف من عجز ياصل لعنبو من لامه
كرز دخان القريفن ركنته مفتوقة=اوقبيط مزينا صكو به الخدامه
كنه اللي يوم ناض وعطوه سبوقة=وصفه اسود خف واشقر جرم واخضر خامه
كنه زبيديتن من تحت رقروقة=اخضرا بطنه وكله بيج حتى ارقامه

الموضوع الأصلي: قصيدة للشاعر ضيدان بن قضعان في الحوت | | الكاتب: الشاعر المجهول | | المصدر: شبكة بني عبس