[عايض بن صالح]

اقتباس من مشاركة ناصر خنيفر هلا ابو صالح حياك الله وصح السانك وسمع الرد المتواضع من هجوس الشاعر اللي لو حكو مانباح سده= مرحبابك يابو صالح والبيوت اللي لفنا مرحبا ترحيبتن لصحابنا فيها موده = فيه مسك وزعفران وريح هيل وريح بنا ماعليك قصور عود الطيب معروفن بنده = وانت مثل العنبره من شم ريحتها تهنا بعد هذا كلبونا اخوان في سلم ٍ وشده= الخليج موحده وشعوبها من يوم كنا واليماني صاحبي سيفه على المخطي يحده = لازمن نعطيه حقه يوم ابو وزره زبنا يدعي سرقة حلاله مالنا يالشيخ صده = مايصر انا انتجاهل مطلبه ولا نكنا كيف راسي يهتني نومه على زين المخده = وفيه مظلوم ٍ سهير ويلحق الونه بونا لاتبري شرذمه حتى الخبر ياصل الحده = يانتها التحقيق قول اللي تقوله يامهنا لاتبوق ولاتخاف ومايثر الشك لده = الهدوم اللي نظيفه ماش داعي يغسلنا والطريق اللي به المشكل على ذولاك سده = لاتفتح ثم يصعب سدها مناومنا

لاهنت يابو تركي على المرد الوافي ولاهو مستغرب منك يالعمده

انت طال عمرك مدرسه لولا هاليماني اللي خرب سمعتك ههههههههه

مرحبا باللي لفاني من شمال الدار رده=والمشاكل من شمال الدار مدري من يمنا
كل ماعيد النظر في سيرها الماضي والده=للمعارك دائره وخيول عنتر يسرجنا
والجميله بنت عمه تمشط الراس وتكده=والعيون تسوجها بالكحل وايديها تحنا
والله اني عاذره لو مايشوف الناس قده=كل ماتغمز وتلمز خال شداد استجنا
وانت ياللي تشبهه بالوصف ليه تصير ضده=تدرج بضهور عيرات النضا لازرفلنا
الجدار اللي بنا وضاح ماله ساس هده=اصدمه والا نقضه والاسحبه في ونش دنا هههههه
وان رفضت الراي هذا عش ابو وزره وغده=وامنع اللي ياكل الشما لاياكل من صحنا ههههههه