بعد غياب عن المنتدى لظروف الحياة التي للحزن نصيب منها
أعود اليكم بهذه المرثية في أخي ورفيق حياتي الشهيد بإذن الله
ناصر بن عبد الله القحطاني
رحــــــــــــــــــــــــــــــــــــــــــــمه الله وأعلى مقامـــــــــــــــه
أرجو ممن يتكرم بالمرور تهنئتي لا تعزئتي
في مهملن للهم وفجوجه وساع=تشكيه عسرات الصدوف وتعبها
شبيت ناري في خلاء مالها قاع=ورياح حزن الليل زادت لهبها
ياهاجس الملتاع ماللبقى داع=النار نارك والخلج في حطبها
ياعين هلي صافي الدمع بالساع =الين تجفاك الجفون وهدبها
وأجمر قلبي من ورى حدب الأظلاع=حدتني الذكرى على اللي جلبها
دار رحى ليام ياذيك الأطماع=بيدين صلفات الدروب وعطبها
ما عاد في الدنيا صدوف وتجماع=يوم انطوت صفحة عزيزن كتبها
راح الشهيد وسيف فرقاه قطاع=جاته وهو من حبها كم طلبها
أخوي ناصر يوم الأخوان بياع=يشري لي سعود الزمن واكتسبها
ناس تموت وذكرها بالوفا شاع=وناس بثوب الحي عزة عربها
ياهاجسي وسع على ضيقتي باع=وقرب دلال الوجد للي شربها
وأحمس من الفرقاء وبهر بالأوجاع=الليل مسرى جبتها وأنت جبها
ياهاجسي كانك تشوف الأمل ضاع=الفاس بيدك والظلوع أحتطبها
وأشعل منارة هم من قلبه أرتاع= لعل من سمارن يوافي لهبها
الشاعر أخو الشهيد / الحسن عبد الله القحطاني ( مسموح يالغالي)