اقتباس من مشاركة ابوصالح الشويلعي
السلام عليكم ورحمة الله وبركاته
الله يسعد مساكم/صباحكم بكل خير
الا يالهجوس اللي تزاحم على الموال=تبيني على موالها العام اغنيها
تسوق الضلوع المهدفه سوقة الجمال=عراقيب ذوده في عصاه متقفيها
عليها يصيح وساقها في لهيب اللال=تلوبه سموم القيض والعد مغديها
سوات الجروح اللي معي حالة الوبال=تلوي معاليق الضماير وتشويها
من العام واللي شايل الجرح حاله حال= مايقدر يشب النار ولايطفيها
خصيمه حجاجه فوق عينه تقول هلال=يعاير على قلوب الوادم ويرميها
ابو لبتاً من فوقها جعدها لامال=على شكل ثلجه والسحاب متغشيها
تدفه هواه وينثني ثعلها الهمال=يقفيبها ريح النسايم ويدنيها
تقل مهرتاً جافل تكابر من الخيال=على ارض الخفوق تلاعب الريح في ديها
حصينه حصينه دونها يتعب الرجال= عليها يامكثر ناس ضاعت هقاويها
ولا ياهجوسي خاوي الراس للفنجال=على الدله اللي راعي الكيف جاذيها
عساها تعوض وارد وصادر الجوال= بعد ماتعثر برجها في ضواحيها
|
الله الله
شاعرنا ابوصالح الشويلعي
صح الله لسانك على هالرائعه
لاجديد كعادتك مبدع ...
تثبيت + تمييز
ننتظر جديدك الرائع
تقبل خالص الود والتقدير