لعيونك يا محمد الراشد
ياحفيد معزي الدار وسميه
ياعضيد سعود ياوافي الخصايل
لك مقام ولك سلام ولك تحيه
عــد ماعدوا عن جدودك فعايل
وعد ماحنت وغنت راعبيه
وعد ماقالت هلا للضيف حايل
وعـد ماطاب الرشيدي في خويه
وعد ماسال القهد واروى الثمايل
من هواجـس شاعر نفسه رضيه
شاف ماله عن رضى حايل بدايل
شاعر يامير جابته الحميه
وحدته تكفى على بدع المثايل
وفزله نبض العروق الحاتميه
ونومسوه بفوزهم شهب الفنايل
عاد نادي طي بعزوم قويه
في مكانه دايم بين الأوايل
خلو الطائي يغني سامريه
بنت عز نقضت شقر الجدايل
وليلة أعياده تجمعنا سويه
مع أوجيه الخير وعيال الحمايل
الخطاوي عز والنيه مطيه
والرجال مجربه والشك زايل
ياحفيـد معزي الدار وسميه
يابن عم سعود يازيزوم حايل
مساعد الرشيدي