على طيفك اجاذب حادي الذكـرى مـع الونـات
وحزن الليل يسري بي ويعـزف لـي مواويلـه
يداعبنـي خيـالا" ماتناسيتـه ولــو لحـظـات
يفز النبض من صدري واجر الصوت انادي لـه
وعلى شانك سريت الدرب نبضي يسبق الخطوات
ونار الشوق تركض بي على سرجه عـل خيلـه
وعلى شانك عيوني من عناهـا هلـت العبـرات
عبايرهـا كماوبـل(ن) تحـدر مـن مخاييـلـه
وعلى شانك يهون الجرح والآهـات والطعنـات
ويهـون الدمـع لامـنـه تحدتـنـي هماليـلـه
انا الوافي انا المخلص معك لين اخـر الاوقـات
اسوق العمر في حبك ودرب الموت بمشـي لـه
دخيلك ياسحاب الوسم لاتخلـف بـك الهقـوات
نطرتك ياسحـاب وبارقـك للحيـن انـا اخيلـه