1
2
3
4
5
6
7
8
9
10
11
12
13
14
لا يابعد نفـسٍ تحبـك وتحتـار
لايشغلك صـدي وفركـة يديّـه
من زود مادارت دواليب الأفكار
قلت أبتعد عنّك وأخفّـف شويّـه
الشرهه اللي تاصلك قِـل مقـدار
خطاك ملح القلب ماهـو خطيّـه
ترى الغلا ماهو تعاليل وأشعـار
ودمح الخطا سلمْ الخوي مع خويّه
لاتستبيح العذر تفـداك الأعـذار
ترى اعتذارك يخجل الحب فيّـه
قلبي على شيل الصعيبات صبّار
وجرح الغلا مهما كبـر ماعليّـه
تمنّ ياكل المشاعـر والأسـرار
يااللي سنيني كلهـا لـك هديّـه
حبك نهاية أو بدايـات مشـوار
هـذا التناقـض لعبـةٍٍ داخليّـه!
ياشفّ حالي منوتي شمعة الـدار
ياريح مسـكٍ خالطـه جاونيّـه
بنيت لك فالقلب من حبك إوجـار
وناري على لاماك لاشـك حيّـه
وأعلنت حبك سر وأخفيته جهار
وأذكرك روحـه وأتمنّـاك جيّـه
يلومني فالحب مصخـي ونقّـار
وأقول أنا فـدوة عيـون بدويّـه
بنتٍ عليها يامخاليق أنـا أغـار
وأشري هواها ماذخرت الوقيّـه
أحبها تخطي وياشيـن الأعـذار
وأرضى بها لوكان ماهي رضيّه