السلام عليكم ورحمة الله وبركاته
قابلت احد اعضاء شبكة عبس الموقرين وقال انت منقطع وليس لي رد الا ان اصافحكم وارضيه بأخر الابيات الموجوده في مسودات جوالي
يوم الظلام ارخى عليه سدوله = سافرت باحزاني وانا خاطري شين
والصبح لاحولي ولاني بحوله = باقي على ليل الطواريق ثلثين
جرحي بدوله والمداوي بدوله = واحد وانا واحد ومجموعنا اثنين
من بيننا بالحب صوله وجوله = وذكرى ليال ايام وشهور وسنين
ياما جلسنا كل خافي نقوله = وياما تواصلنا وحنا بعيدين
نضحك وناخذ كل شئ بسهوله = واحساسنا من بيننا احساس غالين
لكن مقادير الليالي عجوله = الضيق حاضر والفرح تفهقه دين
اليوم يابعدي عنه صعب اطوله = راح وترك للقلب خنجر وسكين
هذي سنه مرت بعد حال حوله = وانا اتطعم طعنته بالشرايين
اخوكم عبدالعزيز دحيم الرشيدي