[النمر1012]

المرسل النمر1012
المرسل اليه .................؟؟؟؟؟؟؟؟؟ للي انا غايب عنه
جيت أنت ناوي ترد الجرح باعماقي

............................... وردة ربيع ٍ سحاب الخير مسقيته

تكاشفت وانتثر مع وقت الاشراقي

............................ ذاك الحيا اللي بوقت ٍ ما تهقويته

تعال لك في ضلوعي قلب خفاقي

........................... وكل غالي ٍ لاجل عينك ما تغاليته

ماكل زين ٍ يحوف العين شواقي

............................... يا ما جمال ٍ بعيني ما تحاليته

وليا سري من ديار العشق براقي

............................ أضميه وليا شكا من صبري ارويته

وانت المشاعر مشت لك دون تنساقي

................................. امر ٍ من الله ورب البيت حبيته

عيني ترقب صباح ٍ ما بعد فاقي

............................. وقلبي يتحري عذاب ٍ ما تقاويته

والحر لا ضاق هلت فيه الافاقي

........................... ما يلتفت لو وراه الفين تصويته

حتي الندي لو يضم الورد بعناقي

............................. مارد الانظار لاحضان ٍ ملفيته

ماعاد فيني صبر وش انت لي هاقي

................................ انا طردت الشقا والا اني اهديته

محتاج لك حيل ريّح خاطرن شاقي

............................. غيرك اليامن طرا طاريه هبيته

لوهو يطول العذاب القلب ما ضاقي

.............................. بيدي لويت العنان وبيدي ارخيته

دامه اسير الجمال الباهي الراقي

........................... وعلي وعدك ان شكا اللوعات ضميته

نوخ اركابك وطمن قلب مشتاقي

............................ وهاك القصايد بلحن ٍ لك تغنيته

انا معك صادقن ما خانت اشواقي

............................ ولا هو خساره فداك العمر لا افنيته

هد النوايا ولاتطري لي افراقي

.......................... والله ليمطر سحاب ٍ ما تحريته