المرسل النمر1012
المرسل اليه العاطفي
سيد العشق ما تهدي المشاعر هدو
.... لا ولاهي بتقبل كل عابر سبيل
لاتصور خفوقي مغرم ٍ في شدو
.... لا تصدق بعشقة كل زول ٍ جميل
حادي الود طوح واجد اللي حدو
....من هو اللي تشوفه بالمشاعر نبيل
لاتحث المسافه الهدو الهدو
.... دربك اخضر ميسّر امش به لاتميل
خل عنك المعاند واجد اللي غدو
.... يتعب الليل ساري وانت دربك طويل
لاتبيّن خطاك تصير فرحة عدو
.... دام للود شرهه وانت عندك دليل
كل جرح ٍ جرحته لك يقدم فدو
.... بس وشلون قلبك .؟ حد علمي عليل
اذكر اني سألتك قلت شدت بدو !!!
.... قدرة الله عليك ان كنت تنوي رحيل
خطت جرحك بقلبي مثل خيطة سدو
.... كثر ما كنت اعاني كثر ماكنت أسيل
عاد وان جيت وافي جيت أضمك عدو
.... مثل برق ٍ لثم مزن ٍ علي اخير ليل
ويزهر العشق الاخضر منك اجمل هدو
..... يعجبك لانظرته وان شعرته يهيل ...!!!