يالعنبو الشوق مع حزة الضيق=ويالعنبو الضيق مع حزة الشوق
امن المساء يالين حد المشاريق=الريق يابس والمعاليق بحروق
اطيق انا حملٍ تعذر به طويق=والصبر زين وكل مطرود ملحوق
والعمر مقفي والليالي ملاحيق=والحال مثل الحر لاصار مسبوق
يكفخ ليا شاف الحباري مطافيق=راعيه لا قدر غشيمٍ ومطفوق
والحرعاف الارض يبغا الشواهيق=عليك ياحرٍ من الضيق مخنوق
اكتب على المسحوب وبعض الطورايق=اسلي الخاطر عسى حالي اتروق
امفارق احبابي وهمي محاريق=واساير هموم الليالي على ذوق
ياراكب اللي صوتها كنًه الميق=واعرض من الميراج ماساقها عوق
مع صباح الخير قفت وانا ويق=من فوقها زويًد وشوقه على النوق