المرسل النمر1012
المرسل اليه انا
أستغفـر الله مـن ذنوبـي والاوزان ومن صـروف الشعربيـن المتونـي
الـي بنيناهـا علـى فكـر نشـوان نجـاري اقـلام الــذي يعذلـونـي
ماهي حقيقه بس لتحريـك الأشجـان بين السطـور الـي تمتـع عيونـي
نظمتها حسب الطلـب دون نقصـان بافكار عاشق تختلـف عـن فنونـي
لعيون مـن يقـرا كتبنـا بالاحـزان صرخـات للكلمـه علـى ماترونـي
جتنا ردود النـاس والطيـب عنـوان حييـت صادقهـم ومـن جاملونـي
قالوا مشاعـر حارقـه ذاك طربـان مادققـوا بالحـرف بيـن الوكونـي
ضاقت صدور البيض والبعض حيران واحترت من ضدي ومـن ذا يمونـي
والشاهد الله ماقصدنـا الـذي كـان هـذا خيـال أبليـس بيـن اللحونـي
يزيـن الشينـه ليـا طـاع الإنسـان بيـن المهالـك يـورده والفتـونـي
الـي بنـوا للشـر بالـود بنـيـان وش فـايـدة بنيانـهـم فهمـونـي؟
لو انهـم صاغـوه للقـرب ماهـان بنيـان عالـي بينـه الفـاظ هونـي
كنت أحسب أن الفكر للنـاس سلـوان جاملتهـم بالـود ثـم أن هجـونـي
من الخيال القافيـه سـاس واركـان قطوفـهـا متدلـيـه والغصـونـي
واليوم ماعـد للهـوى فـي ميـدان لاهـل الولـه باهدهـا صدقـونـي
أطلبك لي يالله مـن الذنـب غفـران وادعيك ماغيرك تكون انـت عونـي
يارافع السموات مـن غيـر عمـدان يامنبـت الحبـات مـن كـل لونـي
يامنجي ابراهيـم مـن لفـح نيـران تهـدي حبايبنـا ولــو عاتبـونـي