[رشيد]

كل ما هب نود وكل مالاح بارق



في دجى الليل كم بيتٍ جلسته وقمته
.



عيت العين ترقد لين شمس المشارق



اشرقت لي وجفني من منامي حرمته
.



والله ان المفارق صعب وان المفارق



لاذكرته جميع اللي بنيته هدمته
.



مثل جمر الغضا بعد المحبين حارق



كيّته من سببها بحر الاهوال عمته
.



حب نور العيون لثومة القلب سارق



خص اللي مثل قلبي رقاقه لحمته
.



قلبي اللي يتله شوق خالد وطارق



بين خالد وطارق بالنصيفه قسمته
.



خدي اللي عليهم بازرق الدمع غارق



وقلبي اللي عليهم طال صبره وصمته
.



حبهم عن جميع الحب والناس فارق



لاعدمت الغلا ووجودهم لاعدمته
.



في يدي كنهم عمهوج في كف مارق



سيفي اللي تنومس شذرته لازمته
.



لامشينا على وضح النقا ماندارق



تفهم العلم والا يالغبي مافهمته
.



يا وجودي على قوم تشيل البيارق



هم احزام الظهر وقت الطلب لاحزمته
.



ربعي اللي سهمهم للمضايين خارق



طيب السمت منهم زاد طيبه وسمته
.



ياسمون الهلال وياسمون المطارق



وسم قومٍ على كبدي بنفسي وسمته
.
.




ريف النشاما ( محمد القسامى )
.
.
موضوع ذو صله
* قصة ريف النشاما *
.
http://www.bani-3abs.net/aa/showthre...31#post1511731



.

الموضوع الأصلي: جمر الغضا | | الكاتب: رشيد | | المصدر: شبكة بني عبس