ياصاحبي من عقبكم وش جرالي
متكدر<ن> ماني على البعد مسرور
كني بهالدنيا وحيد لحالي
والا يتيم<ن>خاطره دوم مكسور
ارتاح يوم اني اشوفك قبالي
ينباح لك سد<ن> عن الناس مستور
يازين ياحلو الشباب المثالي
انا استظنيتك وانا منك مخطور
ياملح ربي بالبها والجمالي
مدري بشر والا منزل من الحور
بوصفك مع امهات الغزالي
ريمية مرباعها قفر وزهور
كانك اتغلى فأنت بالحيل غالي
يادرة تسوى ملايين وأكرور
ارجوك لاتقطع بنا الاتصالي
الكبر لله واكبر الخلق مكبور