1
2
3
4
5
6
7
8
9
10
11
12
13
14
15
16
لي قصيدة بسّ والله غير عـن كـلّ القصيـد
القصيـد يلـمْ بِيـوت وهـيّ بيـت يلمَّـهـا
كيف؟.. مدري.. لكن ان ذا العلم يالمحتار اكيد
تختلف حتى بعَد فـي شكلهـا.. فـي دمَّهـا
لو كتبها شاعرٍ شاقي صبـاح امسـى سعيـد
وبين صبحه والمسـا يرسـم معالـم ضمَّهـا
لو شرقها صبح عادي صار كنّه صبـح عيـد
لو سمعها عاشقٍ عـن ظهـر قلـب يصمَّهـا
لو يراها شاعرٍ مبـدع يطيـر بهـا وْيشيـد
لـو قراهـا ناقـدٍ لا يمكـن انْـه يذمَّـهـا
لنّهـا غيـر القصايـد.. لنّهـا عقـدٍ فريـد
لنّهـا متميّـزة حتـى بعَـد فــي همَّـهـا
ما تحبّ الحـرف اذا ماحبـره بْـدمّ الوريـد
كيفها الصدق وعـدد وبـل المخيلـة كَمَّهـا
شايمة عن كلّ شـيٍ مايضيـف لْهـا المزيـد
شامخة مثل الجبال اللـي السحـاب يضمَّهـا
تحتوي كـلّ الجماليّـات.. ويـذوب الجليـد
من سنا حرفٍ يزيـد بْهـا.. وكحلـة يمَّهـا
يستطيب السمع لا لـوّح ثغَرهـا مـن بعيـد
والعمـا تذبـل وروده والعـيـون تشمَّـهـا
القصايد كثر حبّـات الرمـل فـي كـلّ بيـد
بسّ ذي لـو ماتبـي غصـبٍ عليهـا تْأمَّهـا
كاملـة والكامـل الله خالـق اسيـاد وعبيـد
تمّها اللـي كلّنـا لـه.. مانـي اللـي تمَّهـا
هي جديدة بسّ انا من عام ما قلـت الجديـد
يعني افهم مانـي اللـي خـاط بيـده كُمَّهـا
كيف؟.. ماهي صعبة ولا هي بكلمة من حديـد
شاعـر ولكـنّ ذي بالـذات مانـي يمَّـهـا
لغز ماهـو لغـز لا تتعـب ولا تزيـد وتعيـد
واضحة مثـل الحـروف اللـي تنـام بفمَّهـا
باختصـار وتالـي العلـم المُوثّـق والأكيـد
(القصيدة) حلوتي في (بيـت) ابوهـا وامَّهـا