1
2
3
4
5
6
7
8
9
10
11
12
13يا قلب وش بك ضايق الجاش مهموم انا ادري انّـك دوم قلـب مْتضايـق
لكنّ اشوف ان ضيقتك غير ذا اليوم كنّي أشوف ان دمْك في القاع رايـق
الله يعلم مـا لفـى جفنـي النـوم كنّه وقف للنوم فـي العيـن عايـق
وش فيك يا قلب الشقا ليه مضيـوم ممّا دهاك الراس مـا هـو برايـق
وممّا لفاك مْن الخفافيـش والبـوم كنّ البدن عن بكرة ااابيـه ضايـق
يفداك يا قلـب العنـا كّـل زيـزوم واللي من الشجعان عَ الحـدّ فايـق
وِمْن الرجال اللي له الرجلـة علـوم وِمْن البنيّ اجمـل بنـات الخلايـق
وِمْن القلوب اللي به الطيبـة تنـوم وِمْن العيون اللي لها رمـش بايـق
وِمْن الطيور اللي على صيده يحـوم وِمْن الخيول اللي سبق دون سايـق
وِمْن العياد اللي تلي أشهر الصـوم وِمْن العتاب اللـي يـروح بدقايـق
وِمْن الرياض اللي ربى فيه يشمـوم وِمْن المزون اللـي مطرهـا دفايـق
ويفداك كلّ العالـم قـروم ورخـوم والصعب جاك ان كنت لاقصاه تايـق
ونذرٍ عليك اللـي بمليـون مسيـوم بسْ لا تضايق.. طالبـك لا تضايـق