عيونك آخر آمالي وليلي أطول من اليم
كيف آلقى كلامٍ عذب يوصف دافي إحساسي
عشقتك قبل ما أشوفك وشفتك صرت كلي حلم
آبي رمشك يغطيني وآبيك اقرب من أنفاسي
يهمك تعرفي انك قتلتي في سنيني الهم
قتلني ضحكك وجدك قتلني لينك القاسي
رميت أقداري في دربك وصرتي في عروقي الدم
أحبك كثر ما سالت دموع وما نسى ناسي
يجول الحزن في ضلوعي بردت وذاب فيني العظم
كثير من الحطب حولي وعندك انكسر فاسي
سألتك بـ الذي زانك تحبي فيني حتى الظلم
تحبي عيوبي وغدري تحبي المر في كاسي
أنا من كثر ما أحبك آبيك كثر رمل اليم
وآبيك تكوني فوق الناس وآبي ماينحني راسي