أجمـل مشاعـر شاعـرك ليلـة العيـد
جاتـك تسابقهـا التحايـا والاشــواق
جاتـك تخطّـى هالمسافـات والبـيـد
تبي تعبر لك عـن إحسـاس الأعمـاق
يا اجمل بنات الكون يـا شيخـة الغيـد
يـا سيـدة كـل المشاعـر والاحـداق
لـو تختلـف الاذواق مـن زيـد لعبيـد
يكفي بحضـورك "تتفـق كـل الأذواق"
لو ينقضي عمري وانـا اعيـد و ازيـد
ما قدر أوصّف لحظة "إعناق عشاق" ..!!
ولا راح تكفينـي إعــاده و تـرديـد
ولا راح يكفيني سوا " قـرب وإعنـاق"
ولا راح تمنعنـي المسافـات والقـيـد
لو تلتـوي الأعنـاق و تجـف الاريـاق
يعنـي خذينـي فـوق الأمجـاد تمجيـد
يعني خذيني فـوق الاشـواق مشتـاق
شاعر وأحبـك ..وانتهـت ليلـة العيـد
وبـدأ معـك يـوم المحبـه والاشـواق