1
2
3
4
5
6
7
8
9
10
11لبى قلب اللي عذبني بصوت ٍ حلو ترنيمـه حبيب ٍ لا طرو اسمه يزين الكـون بعيونـي
لبى روح ٍ غدت بيتي صفاها يشبـه الغيمـه ووفاها وابل ٍ امطر علي وانبـت غصونـي
حياة ٍ ما بهـا غالـي تأكـد مالهـا قيمـه مثل ارض اليباس اللي بلا روح وبلا لونـي
لك انتي يا اغلى انسانه فؤاد ٍ منك توسيمـه فؤاد ٍ لو كتب يعجز يوصّف كـل مكنونـي
يا ارق احساس بالدنيا وجوب ٍ منّا تكريمـه ونهديه الغلى أشكال عزيز ودوم مصيونـي
على ايدك عرفت الشوق ومنْك اتقنت تعليمه إلا منـك تدللتـي اضيـع بلحظـة جنونـي
اذا غبتي احس الكون تغيّـر بـه مفاهيمـه غريب وتايه بديره واحس النـاس باعونـي
سرحت بفكري من بعدك لقيت بجوّه تعتيمـه ولقيت الناس ما قدروا عن غيابك ينسونـي
رجعت لواقعي بصرخه يا ريمه انتي يا ريمه دخيلـك لاتخلينـه خفـوق ٍ فيـك مفتونـي
خفوق ٍ لك من اوتاره عزف اروع تقاسيمـه وبحروف ٍ لجل عينك تغنت بأجمل لحونـي
لبى قلبك بعد عمري لبى روح ٍ كما الغيمـه حبيب ٍ لا طرو ذكره يزين الكـون بعيونـي