ياطالـب الجنة تراء الجـنة أكيد=لاشك تبغا منك صبر وعز يمه
تبغا منك صبرٍ وقدرة وتسديـد=ويكون إلك في طـاعة الله قـيمة
أحفظ صلاتك في جميع الـمواعـيد=وانهـج طريق العالم المستـقيمة
واقراء كتابك في تدبر وتجويد=وطع والديك أهل القلوب الرحـيمة
صم شهرك الفضيل واستقبل العـيد=تصبح من أصحاب الوجيه الوسيمة
زك وتصدق وأبشر بكل ما تريد =وأن استطعت الحج هــذي غنيمة
واحفظ لسانك لايجـي فيه تزويد=وابعد عن النفاق وأهل النميمة
واحذر جليس السوء تراه ما يفيد=إلا يوصلك الخــطـر والجريمة
رفقة هل المنكر ضياعه وتنكيد=ما ينفعون أهل النوايا السقيمة
رافق هل الطاعةعساعمرك يزيد=تلقابهم عزٍ وقدر و حـشيمة
الصالحـين المصـــلحـين ألأجــاويد=اللـي لـذ كـر الله دائم مـــقــيمة
المخلصين الصادقين المـواعيد=العا يذ ين بربهم عن جحيمـة
هذي نصيحة ياعساها لنا تفيد=نصـيحةٍ لأهل العقول الفهيمة
الشاعر/ سعد عايض الرشيدي
صح السانك
وجزاك الله خير الجزاء
على هذه النصيحه الطيبه