[ناصر الشريف]

ليت المعاني يا اريش العين تنساك
والا جروح القلب تنثر غلاتك


لجل اتساها الهم من بعد فرقاك
واريح عيون انتهت في صفاتك


من عقب ما قلبي يبي دايم رضاك
قلت ابعث اهاتي تجمع شتاتك


انا وقلبي والخيال انتمناك
وجروح روحي جات من طيب ذاتك


اوهام روحي عاشت بحلم لقياك
وانا عطيت اوهام روحي حلاتك


تعيش يا راسي على العز نفداك
حتى لو ان الود يعلن شماتك


لا تصغي لهذا ولا تصغي لذاك
اهم شي تقضي بقية حياتك


صوتي وقلبي يا اريش العين ناداك
وانا تعلمت الوفى من شتاتك

الموضوع الأصلي: ليت المعاني | | الكاتب: ناصر الشريف | | المصدر: شبكة بني عبس